سبع انواع من الفيديوهات تستخدمها في الترويج لمنتجك او خدمتك عبر منصات التواصل الاجتماعي
أنواع الفيديوهات الترويجية
١- الفيديو التوضيحي : من اهم انواع الفيديو , ممكن انت تعمله او تستعين بشخصية مشهورة يفتح صندوق منتجك ويشرح للناس عنه او انت تساوي هاد الشي, واثناء التصوير حاول انك تحط نفسك مكان العميل وتسال نفسك اسئلة وتجاوب عنها او ممكن انك تجاوب فقط عن ما يمكن انه العميل اللي عم يتفرج يسال عنه , او عروض مشكلة ووضح للمشاهد كيف ممكن انه منتجك يحل هي المشكلة , وصور. منتجك بشكل واضح ومن جميع الجهات واهتم ب جودة التصوير , وخلي الفيديو ما يتجاوز الدقيقتين لحتى المشاهد ما يمل.
٢– الفيديو الترويجي : طول هذا الفيديو يكون بين ال ١٥ ثانية لل ٣٠ ثانية , خلي في شعار تسويقي لمنتجك او متجرك (سلوجن) يعبر عنه بجملة واحدة , وهاد الفيديو اللي بيكون بحملات ترويجية وحاول فيه انك تشجع الناس تدخل متجرك , لكن طبعا بدون ما تطلب منهم بشكل مباشر , وتاكد انه المقطع قابل للمشاهدة بدون صوت , يعني المتفرج بيقدر يشوفه ويفهم محتواه حتى لو كان طافي الصوت ,وبهاد النوع اهم شي اول ٥ ثوان هي اللي بتجذب المشاهد يكمل الفيديو .
٣- فيديو شهادات عملائك : هي اقوى شهادات ضمان ان منتجك مميز , اسال عملائك اسئلة محددة بحيث ان الاجابات اللي حتحصل عليها تكون محفزة لعملائك المحتملين لشراء المنتج او التعامل معك , ممكن عمل مقابلات معهم او انهم يتركولك رسالة وانت تعمل مجموعة من هي الرسائل على شكل فيديو فيها صورة واسم العميل وجانبها رايه ب نص مختصر , وايضا هاد الفيديو ما يكون طويل.
٤– المدونة المرئية (فلوق) : بيعطيك هاد النوع من الفيديوهات ميزة وبالذات اذا كان التسويق ل خدمة , اهم شي انك تتاكد من انه المحتوى يكون مفيد , ويوصل للمشاهد خبرتك في مجالك , هاد الفيديو ما بيحتاج خبرات بالفيديو كبيرة ممكن تعمله بالموبايل , المهم فيه انه يكون بشكل دوري بدون انقطاع ويكون حوالي ال عشر دقايق.
٥- فيديو البث المباشر : بيعتمد هذا النوع على اي مكان بيكون المهتمين ب منتجك او الخدمة اللي بتقدمها , التفاعل مع الفيديو البث المباشر بيكون اعلى ب ٦ مرات من الفيديو العادي , ممكن تعمله من باب النقاش مع اسئلة العملاء او شرح تفصيلي عن المتجر والخدمات والمنتجات , المهم انك تكسر حاجز الخجل وتنطلق , شجع عملائك على التعليق عن طريق اجابتك على الاسئلة
٦- فيديو عن كواليس العمل في شركتك او متجرك : بيعطي مصداقية اكثر عند عملائك لما تحسسهم انهم اقرب عن طريق انك تعرفهم اكتر على فريق العمل ومميزاته والمهام اللي بيقومو فيها , وعن مسيرة العمل وكيف الفريق بيشتغل حتى يحسن من اداء العمل , الاهم انك ما تكتر فيه تفاصيل , وما يكون اطول من دقيقتين وبامكانك انك تطلب من الجمهور بنهاية الفيديو زيارة الموقع ليعرفو تفاصيل اكتر.