مافي حدا مننا ما بيواجه مشاكل من هذا النوع , مشكلة بالموبايل او بالكمبيوتر او الكاميرا او بليستيشن او اي شي من هذا النوع , وايضا ممكن تكون مشاكلك من نوع اخر متل انو عندك فكرة لشيء لكن ما عندك الطريقة لتوصلك للنتيجة اللي انت محتاجها متل تفكيرك بطريقة صنع شيء معين او مشروع معين وايضا ما بتعرف شو هي الطريقة لتوصل للنتيجة اللي انت شايفها , وهون بتكمن اهمية مهارة البحث

الموضوع مو بس انك بتعرف كيف تفتح المتصفح على محرك البحث جوجل او غيره وتكتب بمربع البحث الشي اللي انت محتاج تدور عليه , لا الامر اكبر من هيك , وصولك للمعلومة الصحيحة ضمن الالف او ملايين المعلومات الموجودة على شبكة الانترنت واللي ممكن يكون منها كتير غلط يكلفك كتير من وقتك ومجهودك لحتى تكتشف انه كان خطأ وترجع تعيد عملية البحث من اولها ويمكن كمان يكلفك اكتر من هيك اثناء تجاربك , وايضا الوصول للمعلومة الصحيحة وبوقت قصير لانك بتكون مضطر على العمل بشكل سريع , والحاجة الى المصادر الموثوقة للمعلومة , كل هاد واكتر بينشمل تحت مسمى مهارة البحث, مهارة الوصول للمعلومات اللازمة في هذا العصر .

حتى لو انت طالب ف معظم ان لم يكن جميع الاسئلة الاكاديمية اللي بتخطر ببالك تم طرحها والاجابة عنها ومناقشتها عبر الانترنت.

* – ليش هي مهارة ممتازة جدا الك؟

لانك انت اثناء البحث ف انت فعليا انسان قاعد عم يسال , حصولك على الجواب لسؤالك هو حصولك على معلومة, تعمقك اكتر بالسوال يعني تعمقك اكثر بالمعلومات اللي انت عم تكتسبها , لذلك لازم تتعلم المهارة بطريقة صحيحة , لحتى تتاكد انو المعلومات اللي انت عم تتعلما وتدخل مخك وتنحفظ فيه هي معلومات صحيحة

وهي المهارة بتختصر عليك احيانا قرائة الكتير من الكتب لحتى تلاقي المعلومة اللي انت عم تدور عليها, طبعا انا ما عم قول انك ما تقرا الكتب , لا طبعا القرا~ة شي ممتاز وممتع وله فوائد اكتر من انه نتكلم عليها في جزء من حديثنا الان , حيكون لها فيديو كامل نتكلم اكتر عن اهميتها.

غير ايضا ان تعلمك لهي المهارة يفتحلك افاق كتيرة في تعلم مهارات اخرى , يعني لو انت عم تتعلم برنامج مونتاج او تصميم او برمجة او التصوير ف وجود هي المهارة عندك بيساعدك على انك تتعلم البرنامج او المهارة اللي انت محتاجها متل انك تدور على معلومات بتهمك بهي المهارة او انك تدور على كورسات و دروس تفيدك وتطورك

مهارة البحث هي مهارة بتندرج ضمن المهارات اللي ممكن تتعلمها بنفسك , وفي دروس كتير على الانترنت ممكن تساعدك بهاد الشي