5- انت بتعرف تعمل كل شي

اي سوال بيسالك عليه العميل لازم يكون عندك له اجابة حتى لو مافي اي خبرة بالموضوع, هيك بيشوفك انك أنسان كاذب وبتحالول تخدعه بمعلومات خاطئة بادعائك انك فاهم كل شي وبالتالي حيبطل يتعامل معك ابداً , مع توسعك بالعمل لازم يكون عندك موظفين او طاقم عمل متل ما تكلمنا في نقطة سابقة, وهاد الفريق هو موجود لحتى توكل له مهام إما لان يكون لك مهام اقل ف تقدر تركز فيها بشكل افضل , أو تجيب ناس عندها خبرة افضل من خبرتك في بعض الامور أي على سبيل المثال : شخص يستلم التسويق او التصميم او خدمة العملاء او اي شيء , وليس عيب ابدا ان يكون هذا الموظف خبرته افضل من خبرتك , بالعكس لازم يكون خبرته افضل لحتى يقدر يبدع ب المهام الخاصه فيه ولحتى يكملك

6- عدم التركيز على جودة الخدمة المقدمة لعملائك

مع الوقت بتضمن ان عميلك خلاص صار يتعامل معك بثقة بالذات بعد ما صرت عارف طلبه بدون ما يطلبه حتى, هون انت بتبدا تقدم خدمتك بكل انسيابية و ثقتك ب نفسك وبان العميل ما رح يمشي ويدور على غيرك, ف بتبدا جودة الخدمة تقل مع قلة تركيزك فيها, ممكن باي لحظة العميل ينتبه لهالشي ويفتكرك انك بتخدعه وبتستغل ثقته , ويبدا يدور على غيرك مهتم ب شغله اكتر ويروح له.

أظن انه هي النقطة شارحة نفسها , يعني تركيزك في المشروع رقم ١٠٠ لنفس العميل لازم يكون نفس التركيز اللي كان بالمشروع رقم ١ اللي كان بينكم في بداية التعامل, لازم تكون الجودة بنفس الوتير إن لم تكن في تحسن وارتفاع